حمراء حمراء
في قديم الزمان يحكيو على بنية صغيرة اسمها ليلى. كان كل الناس يحبوها. كانت مماتها تحبها برشة و تعطيها الكادوات. و في يوم من الايام عملتلها روبة مزيانة. ليلى عجبتها الروبة الحمراء برشة و كانت تلبسها كلما خرجت. شافوها الناس ديما تلبس هذيكا الروبة الحمراء و سماوها ليلى الحمراء.
كانت ليلى الحمراء تسكن مع امها و بوها في كوخ صغير. كان الكوخ الصغير في قرية قريبة من غابة كبيرة. و كان بو ليلى يخدم نهار كامل حطاب في الغابة.
كانت مماتي ليلى تسكن وحدها في كوخ صغير اخر في الغابة . كان كوخها قريب من الكوخ اللي تسكن فيه ليلى مع بوها. كانت ليلى الحمراء تحب مماتها برشة، و تمشي اتطل عليها كل يوم. كانت تمشي في طريق الغابة حتى توصل لكوخ مماتها
و في يوم من الايام عيطت الام لبنتها ليلى و قالت: "خوذ يا ليلى ها القفة لمماتك. مماتك مريضة، و بش تفرح . باللي في القفة من كعك و عصير.ما تبعدش من طريقك !
قالت ام ليلى لبنتها: "ما تبعدش عالطريق و ما تجريش بش ما تكسرش بلارة العصير. رد بالك يا ليلى!" جاوبت ليلى: "اي يا امي، بش نرد بالي برشة" و بعد هزت القفة و ودعت امها و مشات.
ليست هناك تعليقات:
إرسال تعليق